Қостанай облысы кәсіпкерлер палатасы интернат балаларын Жаңа жылмен құттықтады
Жаңа жыл қарсаңында Бороской шипажай мектеп интернатының балалары ғажайып күтеді.
Күткендері орындалады да. Жыл сайын Қостанай облысы кәсіпкерлер палатасы мен «Иволга-Алтын» ЖШС өкілдері интернатқа сыйлықтар және көтеріңкі көңіл күймен келеді.
Балалардың да қалыптасқан үрдістері бар – қонақтарды арнайы мерекелік бағдарламамен күтіп алады, іс-шараға балалар мұғалімдермен бірге бірнеше ай дайындалады.
«Кәсіпкерлер палатасы бізге тұрақты негізде көмектесіп келеді. Балаларға мұндай қамқорлық керек. Біз де өзіміздің бас демеушілерімзді көруге қуанамыз», – деді мектеп-интернаттың директоры Гүлмира Сейдахметова.
Қостанай облысы кәсіпкерлер палатасы сарапшысы Сания Иментаеваның айтуынша, ӨКП қызметкерлері интернатқа жылына кемі 3 рет келеді.
Шипажай мектеп-интернатында туберкулезге шалдығу қаупі жоғары балалар тұрып, оқиды. Интернат қабырғасында олар білім алып қана қоймай, сондай-ақ сауығады. Оқушылар үнемі дәрігерлердің назарында. Қазіргі таңда интернатта 114 бала бар, бұл сан өзгеріп тұрады.
Пікір қалдыру:
Пікірлер: