Ақтөбеде Палата АӨК саласында өндірістік тізбекті орнату бойынша жұмыстарды жолға қойды
Ет кластерінде зәкірлік кооперация бойынша бірлескен жобаларды іске асыру "Актеп" ЖШС бордақылау алаңдары, "Арман-М", "Жантизер" шаруа қожалықтары және "Наурыз-СИМ" ЖШС базасында жалғасуда.
Бұл жыл сайын облыстың және батыс өңірдің 900 - ден астам ұсақ фермерлік шаруашылықтарын іске қосуға мүмкіндік береді, оларға кепілдендірілген өнім өткізу - жем сатып алу, бұқашықтарды бордақылауға қабылдау қамтамасыз етіледі. Сондай-ақ қолда бар мал басын тұқымдық түрлендіру шеңберінде асыл тұқымды тұқымдық бұқаларды өтеусіз жалға беру.
"Сондай-ақ, Ақтөбе облысының кәсіпкерлер Палатасы 2018 жылдан бастап ауыл шаруашылығы тәжірибе станциясымен бірлесіп Ақтөбе май экстракциялық зауытының базасында майлы дақылдарды өсіру және қайта өңдеу кластерін құру бойынша жұмыс жүргізуде. Мақсары өсірудің тиімділігін түсіндіру үшін облыс шаруалары үшін "Ақтөбе облысының климаттық жағдайында майлы дақылдарды өсіру технологиялары" тақырыбында онлайн семинар ұйымдастырылды. Нәтижесінде облыста 2018-2019 жылдары мақсары майлы дақылына арналған егіс алқабы 2017 жылғы 4,6 мың гектардан 2019 жылы 10,8 мың гектарға дейін айтарлықтай ұлғайды (136% - ға) және 2020 жылы 31 мың га дейін (6,5 есе). 2020 жылы майлы дақылдар алқабы 46 мың га құрады, оның ішінде мақсары алқабы 31 мың га, бұл 2019 жылдың деңгейінен 19% жоғары. "АМЭЗ" ЖШС деректері бойынша 2020-2021 жж. маусымаралық кезеңде 1300 тоннадан астам майлы дақылдарды қайта өңдеуге қабылдау жоспарлануда", -деп хабарлады ӨКП агроөнеркәсіптік бөлімінің сарапшысы Владимир Ким.
.jpeg)
Сонымен қатар, ҰКП-ның "алаңнан сөреге дейін" бастамасын іске асыру аясында өңірлік палата "Бұтақ" өндірістік кооперативінің базасында осындай жобаны бастады. Кооперативтің 427 га жер телімі бар, оның 32 гектары пилоттық жобада және 80 шағын учаскеге бөлінген. Ниет білдірген кәсіпкерлер жобаға учаскеде 10 соткаға жылыжай салу, 20 соткаға жеміс-жидек бақшасын құру ("Бұтақ" ӨК базасында жеміс ағаштарының жеке тәлімбағы бар) және 10 соткаға ашық топырақта көкөніс өсіру бойынша үлгілік жобаны іске асыру жолымен қатыса алады.
"Палата өз тарапынан жобаға "Бастау" жобасының қатысушылары мен түлектерін және басқа да ісін жаңа бастаған кәсіпкерлерді тартуды қамтамасыз етеді, сондай - ақ Ақтөбе сауда желілерінде кооператив өнімдерін орталықтандырылған өткізуді ұйымдастыруға жәрдемдеседі", - деп нақтылады Палатаның АӨК бөлімінде.
.jpg)
Ағымдағы жылы агроөнеркәсіптік кешенді дамыту жөніндегі ұлттық жобаны әзірлеу шеңберінде өңірдің ауыл шаруашылығы тауарын өндірушілердің жыл сайынғы проблемаларын, оның ішінде жеңілдікпен қаржыландырудың қолжетімділігі, қолданыстағы бағдарламаларға (мал шаруашылығын, өсімдік шаруашылығын субсидиялау, инвестициялық субсидиялар, пайыздық мөлшерлемелер және т.б.) өзгерістер енгізу арқылы АӨК субъектілерін субсидиялаумен барынша қамту бойынша шешу жоспарлануда. Сондай-ақ фермерлік және жеке қосалқы шаруашылықтарды ауыл шаруашылығы кооперациясына тарту бойынша жаңа тәсілдерді енгізу.
"Жарық" ауыл шаруашылығы өндірістік кооперативінің базасында Қобда ауданы Жарық ауылы ауқымында ІҚМ асыл тұқымды мал басын, осы ауыл тұрғындарының табыстылық және жұмыспен қамтылу деңгейін арттыру бойынша пилоттық жоба әзірленуде.
Пікір қалдыру:
Пікірлер: