«Атамекен» Қазақстан Республикасының Ұлттық кәсіпкерлер палатасы
Бизнестің сенімді серіктесі

Бизнесті қорғау

FAQ

Рудный мұнай базасындағы дау: шаруаларға жанармай уақытылы беріледі

02 Қыркүйек 2021 - Қостанай облысы
3384 просмотров

 Ағайынды екі кәсіпкер арасындағы дау салдарынан басқа кәсіпкерлер қиын жағдайға қалған. Дауға жергілікті билік және Қостанай облысы кәсіпкерлер палатасының өкілдері араласты. Нәтижесінде мәселе шешілді – фермерлерге жеңілдікпен берілетін жанармай жеткізіледі.

 Рудный мұнай базасындағы дау БАҚ көздеріне тарап, жұртшылық арасында наразылық тудырды. Отбасылық кикілжің мұнай базасының жабылуына себеп болған. Соның салдарынан жеңілдікпен берілетін жанармайды жеткізуші оператор «Авторесурс Т» ЖШС жөнелтуге байланысты проблемаға тап болды.

 «Қазір шаруаларда жеңілдікпен жанармай алуға қатысты мәселесі шешілді. Оператор басқа теміржол тұйығын жалға алды. Енді екі құрылтайшы арасында мүлікті бөлу бойынша дау жүріп жатыр», – деді Қостанай облысы кәсіпкерлер палатасы АӨК бөлімінің бастығы Қайыр Айсин.

 «Авторесурс Т» ЖШС директорының м.а. Юрий Трифонов оның кәсіпорны жеңілдікті жанармай жеткізу бойынша өзіне жүктелген барлық міндетті орындайтынына сендіреді.

 «Авторесурс Т» ЖШС мемлекет тарапынан көрсетілген сенімді бағалайды, сондықтан ауыл шаруашылығын өндірушілерді жеңілдетілген жанармаймен қамтамасыз ету бойынша барлық шарттық міндетті белгіленген мерзімде орындайды. Фермерлер зардап шекпейді», – деп уәде берді Юрий Трифонов.


Серіктестер