Неліктен "Евраз Каспиан Сталь" ЖШС Қостанай кәсіпорны шығынға ұшырайды?
Бұл мәселе Қостанай облысы бойынша ТДМ басшысы Асқар Әбеновтің кезекті қабылдауында қаралды, ол Қостанай облысы Кәсіпкерлер палатасының алаңында өтті. Қабылдауға "Евраз Каспиан Сталь" кәсіпорнының коммерциялық бөлімінің бастығы Константин Костюнин жүгінді, ол маусым айының басында жаңа тәуекел профилі жұмыс істей бастағанын, оған сәйкес импорттың кедендік рәсімінде ресімделген барлық декларациялар "қызыл дәлізге"түсетінін айтты.
Бұл Қостанай облысы бойынша МКД өкілдерінің өнімге физикалық тексеру жүргізу қажеттілігіне әкеп соғады.
Бірақ, тексеру іс-шаралары әрдайым уақытында бола бермейді, бұл демалыс және мереке күндерінсіз тәулік бойы жұмыс істейтін кәсіпорын үшін шығындармен байланысты. Бұл дайын өнімнің уақытында экспортталмауына және кірме жолдардың қатып қалуына әкеледі. Бұл мәселені қабылдауға қатысқан "Тобыл Транс" ЖШС басшысы Николай Краснощеков та растады.
Қостанай облысы бойынша МКД өкілі Марина Сайкевич атап өткендей, тексеру іс-шараларына тек екі қызметкер жұмылдырылған. Бірақ жүктеменің артуымен барлық өтінімдерді орындау қиынға соқты.
Қостанай облысы бойынша ТДМ басшысы Асқар Әбенов ішкі резервтер есебінен қосымша қызметкерлермен тексеру топтарын күшейтуді, демалыс және мереке күндері кезекшілік орнатуды ұсынды
Бұл ұсыныс бүгін Қостанай облысы бойынша МКД басшысымен талқыланатын болады. Бизнес шығынға ұшырамауы керек. Бұл тәуекел профилін нақтылау бойынша шаралар қабылданғанға дейін қазіргі кездегі проблеманың ауырлығын жоюға көмектеседі, - деп атап өтті Асқар Әбенов.
Қостанай облысы Кәсіпкерлер палатасының директоры Данияр Күзенбаев өз кезегінде бұл мәселе мүдделі органдардың қатысуымен Өнеркәсіп мәселелері жөніндегі салалық кеңес шеңберінде қаралатынын атап өтті.
Айта кету керек, жыл басынан бері Қостанай облысы бойынша ТДМ басшысының 7 жеке қабылдауы өтті, онда Бизнестің 17 түрлі өтініші қаралды, оның ішінде жүйелі салалық проблемаларды қозғайтын мәселелер.
Пікір қалдыру:
Пікірлер: