Қостанай облысында алғашқы географиялық көрсеткіш тіркелді

2024 жылғы 23 Қазан

- Қостанай облысы

6469 просмотров

Оны кәсіпкер Кауез Нурахметов - “KZ Бал үйі” ЖК иеленді. Ол 2011 жылдан бастап бал өндірумен айналысады. Осы уақыт ішінде кәсіпорын жоғары сапа мен қайталанбас дәмді қазақстандық дәстүрлермен үйлестіретін жергілікті балдың ірі өндірушісіне айналды.

Тағы үш өтінім географиялық көрсеткіш ретінде тіркеуге сараптама ұйымының қарауында. Бұл “Торғай Ет” ЖШС “Торғай Ет” консервілерімен және “Баян Сұлу” ЖШС “Ассорти Қостанай кәмпиттері” және “Қостанай ззак печеньесі” өнімдерімен - Қостанай облысы Әділет департаментінің басшысы Алия Аманжулова Қостанай облысы кәсіпкерлер палатасының шағын бизнес пен әйелдер кәсіпкерлігін дамыту мәселелері жөніндегі салалық кеңесінде хабарлады.

Әділет департаментінің бөлім басшысы Динара Хусаинова географиялық көрсеткішті тіркеу, бизнес үшін қандай артықшылықтар беретіні туралы айтып берді.

Қостанай облысының әрбір өңірінде географиялық көрсеткіш ретінде тіркелетін әлеуеті жоғары өнімдер бар екенін атап өту маңызды. Мысалы, Қостанай ірімшігі, Садчиков сүті, Қостанай бройлері, Федоров күнбағыс майы, Қостанай шұжығы, Таран қарбызы, Торғай қымыз, Александровский картоп, Рудный қияры. Әділет департаменті географиялық көрсеткіш ретінде тіркеуге өтінім беру рәсімі бойынша қажетті консультациялық көмек көрсетуге дайын, - деді Динара Хусаинова.

Географиялық көрсеткіш ұзақ тарихы бар және шыққан жерімен, табиғатымен, мәдениетімен тығыз байланысы бар ауылшаруашылық өнімдеріне, азық-түлікке, шараптарға және спирттерге, қолөнер бұйымдарына және өнеркәсіптік өнімдерге қатысты қолданылады. Географиялық көрсеткішті тіркеу, Қазақстанның әртүрлі өңірлерінде өндірілетін тауарлардың ұлттық брендін дамытуға, сондай-ақ олардың әлемдік нарықта танылуын, инвестициялық тартымдылығын арттыруға және туристік саланы дамытуға ықпал етеді.

Айта кету керек, 2022 жылдан бастап қазіргі уақытқа дейін Қазақстан Республикасының географиялық нұсқауларының мемлекеттік тізілімінде 16 географиялық көрсеткіш тіркелген, Қазпатентте тіркеуге 99-дан астам өтінім қаралуда.

Қостанай облысы кәсіпкерлер палатасының директоры Данияр Күзенбаевтың пікірінше, географиялық көрсеткіштер бизнес үшін өз өнімдерінің бірегей қасиеттерін тиімді пайдалануға мүмкіндік береді, сонымен қатар тұтынушы үшін сигнал ретінде қызмет етеді және оның назарын аударады.