«Атамекен» ҰКП Америка сауда палатасымен ынтымақтастық перспективаларын талқылады
Бүгін, 2024 жылғы 19 қарашада «Атамекен» Ұлттық кәсіпкерлер палатасының кеңсесінде ҚР ҰКП Төралқа Төрағасы Райымбек Баталов пен ҚР Сыртқы сауда палатасының Басқарма Төрағасы Мұрат Қарымсақов Қазақстандағы Америка Сауда Палатасының (AmCham) жаңадан тағайындалған Атқарушы директоры Джефф Эрлихпен кездесу өтті.
Кездесудің мақсаты AmCham-тың жаңа басшысымен кездесу және бірлескен жұмыс бағыттарын, соның ішінде инвестициялық ынтымақтастықты дамыту және шағын және орта бизнесті қолдауды талқылау болды.
.JPG)
Райымбек Баталов Джефф Эрлихті жаңа қызметке тағайындалуымен құттықтап, Қазақстан-Америка экономикалық байланыстарын нығайтудың маңыздылығын атап өтті. Баталовтың айтуынша, «Атамекен» ҰКП шетелдік инвесторлар үшін тартымды бизнес-климатты қалыптастыру бойынша белсенді жұмыс атқаруда.
.JPG)
«Біз Қазақстанның халықаралық бизнес үшін негізгі серіктес ретіндегі ұстанымын нығайта түсетін бастамаларды жүзеге асыру үшін AmCham-мен белсенді ынтымақтастыққа дайынбыз. Қазақстан инвестиция тарту мен кәсіпкерлікті дамытуда көшбасшы болуға ұмтылуда», – деді Райымбек Баталов.
Өз кезегінде Мұрат Қарымсақов Қазақстанның Сыртқы сауда палатасының экспорттаушыларды қолдаудағы және олардың халықаралық нарықтарға шығуы үшін жағдай жасаудағы рөлін атап өтті.
«Біз AmCham-мен өзара іс-қимылымызды Қазақстан мен Америка Құрама Штаттары арасындағы экономикалық байланыстарды тереңдету мүмкіндігі ретінде қарастырамыз. Бірлескен күш-жігер арқылы біз екі елдің бизнесіне ынтымақтастықтың жаңа форматтарын және оларды дамытудың шешімдерін ұсына аламыз», - деп атап өтті Сыртқы сауда палатасының басшысы.
Джефф Эрлих жылы қабылдау үшін алғысын білдіріп, іскерлік байланыстарды одан әрі нығайта беруге ниетті екенін баса айтты.
«Менің міндетім – американдық және қазақстандық бизнеске өсудің ортақ нүктелерін табуға көмектесу. Біздің ынтымақтастығымыз екі тарапқа да нақты нәтиже беретініне сенімдімін», - деп сендірді Джефф Эрлих.
Кездесуде тараптар инвестициялық ахуалды жақсарту, диалог алаңдарын бірлесіп өткізу және бизнесті қолдаудың цифрлық құралдарын дамыту бастамаларын талқылады.
Кездесу қорытындысы екі ел арасындағы әріптестікті тереңдетуге бағытталған бірқатар қадамдар туралы келісімге қол жеткізілді, сондай-ақ қазақстандық және американдық кәсіпкерлердің тәжірибе алмасуы бойынша іс-шараларды өткізу жоспары болды.
Пікір қалдыру:
Пікірлер: