Алматыда «Бір ауыл – бір өнім» финалистері жарияланды
«Бір ауыл – бір өнім» бағдарламасының 10 қатысушысына өз жобалары туралы егжей-тегжейлі айтып беру мүмкіндігі ұсынылды. Жәрмеңке қорытындысы бойынша олар ең көп ұпай жинады. Олармен танысқаннан кейін бренд комитеті үш жеңімпазды таңдады.
Осы жылы Алматы қаласының Кәсіпкерлер палатасына «Бір ауыл – бір өнім» бағдарламасына қатысуға 90 өтінім келіп түсті. Оның 27-сі жәрмеңкеге қатысты. Ең көп ұпай жинаған 10 қатысушы өз өнімдерін бренд комитетіне таныстырды. Комиссия мүшелері өнімді 10 балдық кесте бойынша бағалады.
Негізгі талап, өнімнің тауарлық тартымдығынан басқа, жергілікті шикізаттың максималды мөлшері болып табылады. Кем дегенде 80 пайыз. Және Алматы қаласының ерекшелігін көрсету.
Жобаның финалистері маркетингтік қолдау, бизнесті дамытуға көмек, тауарлық белгілер мен өнім логотиптерін әзірлеуге жәрдемдесу, сондай-ақ өнімді экспортқа шығару үшін сауда желілерімен және халықаралық сауда алаңдарымен келіссөздер кезінде қолдау алады.
Бренд комитеті үш өндірушіні жеңімпаз атады:
Құрманғалиева Дина Болатқызы, ЖК «Құрманғалиева Дина Болатқызы» - киіз бұйымдарын өндіру.
Жұмалиева Бақтжан Қалыққызы, «Galam Balasy» ЖК - қазақ қолөнерінің негізінде қолөнер жиынтығын жасау.
Қуанғалиева Айнагүл Бегімжанқызы - кәдесый бұйымдарын өндіру (ұлттық нақыштағы қуыршақтар).
«Бір ауыл – бір өнім» көрмесіне қатысқан табиғи шырындар, ешкі сүтінің негізінде жасалатын табиғи косметика және ұзақ мерзімде сақталатын саяхатшылар тағамдарын өндірушілер басқа бағдарламалар бойынша қолдау табады.
.jpg)
Пікір қалдыру:
Пікірлер: