Еуропаға қазақстандық тауарлар
Тауарды Еуропаға қалай экспорттауға болады, экспорт бойынша сарапшыларды қайдан табуға болады, қажетті сертификаттарды қалай алуға болады – осы және басқа да мәселелер өңірдің кәсіпкерлері үшін өткізілген арнайы тренингте талқыланды.
Қостанай облысы ӨКП директорының орынбасары Саят Жүсіпбековтің айтуынша, кәсіпкерлер палатасының қызметі бірінші кезекте бизнесті дамыту үшін жағдай жасауға бағытталған. Мұндағы басты факторлардың бірі кәсіпкерлердің кәсіби деңгейін арттыруға мүмкіндік беретін іс-шараларды ұйымдастыру және өткізу болып табылады.
Облыс кәсіпкері екі күн ішінде БҰҰ Халықаралық сауда орталығы Qaztrade-пен бірлесіп шағын және орта бизнес үшін ұйымдастырған экспорт және халықаралық сауда бойынша тренингтен өте алады.
Бизнес өкілдері атап өткендей, бұл - сыртқы сауда қызметімен айналысатын немесе айналысуды жоспарлап отырған кәсіпкерлер үшін өте қажет және маңызды іс-шара. Сыртқы нарықтарға шығу - өте қиын міндет.
Ел Президенті Шетелдік инвесторлар кеңесінің отырысында атап өткендей, біз өңделген өнімнің экспортын дамытуымыз керек, өйткені бұл шикізаттың құбылмалы бағасынан сақтандыру, қосымша экспорттық кіріс және ұлттық экономиканың сапалы сұранысқа ие тауарлар мен қызметтерді өндіру қабілетінің көрсеткіші.
Бұл мәселенің маңыздылығы қазір тез өзгеріп жатқан геосаяси жағдайға және біздің көз алдымызда болып жатқан транзиттік ағындардың қайта құрылуына байланысты айтарлықтай артып келеді.
Қостанай облысының кәсіпкерлер палатасында іс-шараға облыс бизнесінің 30-дан астам өкілі қатысатынын атап өтті.
Пікір қалдыру:
Пікірлер: